ఓంకార పుణ్యక్షేత్రం కి అటవీ శాఖ నోటీసులు
కాశిరెడ్డి నాయన ఆశ్రమం ఖాళీ చేయమని ఆదేశాలు
ప్రముఖ పుణ్యక్షేత్రమైన ఓంకారం దేవస్థానం కు అటవీ శాఖ అధికారులు ఖాళీ చేయమని నోటీసులు ఇవ్వడం సంచలనం సృష్టిస్తుంది.. ఓంకారం పుణ్యక్షేత్రంలోని నిత్యాఅన్నదానంగా ప్రసిద్ధి చెందిన ప్రతినిత్యం వేల మందికి ఉచితంగా భోజనం అందిస్తున్న కాశిరెడ్డి నాయన ఆశ్రమ నిర్వాహకులను కూడా ఖాళీ చేయమని అటవీశాఖ అధికారులు నోటీసులు ఇచ్చారు విచిత్రం ఏమిటంటే దేవదాయ శాఖ అక్కడ ఏర్పాటు చేసుకున్న దుకాణాలకు టెండర్లు పిలిచి బాడుగకు ఇవ్వడం జరిగింది వీటికి కూడా అటవీశాఖ అధికారులు ఖాళీ చేయమని నోటీసులు ఇవ్వడం చర్చనీయాంశమైంది. ఆళ్లగడ్డ అటవీశాఖ డివిజన్లో సెక్షన్ ఆఫీసర్ గా విధులు నిర్వహించే రామేశ్వరి అధికారిని బండి ఆత్మకూరు మండలంకు బదిలీ చేయడంతో ఈ మండలంలో విధులు నిర్వహించడం సుముఖంగా లేనట్లు మండల ప్రజలు చర్చించుకుంటున్నారు. దీంతో రామేశ్వరి పై అధికారుల మాట కూడా లెక్కచేయకుండా వివాదాలకు తెర లేపుతూ భక్తుల మనోభావాలను దెబ్బతీస్తున్నదని బండి ఆత్మకూరు నాయకులు అగ్గిమీద గుగ్గిలం అవుతున్నారు.
